Kooperatiben BehatokiaHurbiletik begiratu, oso urrutira iristeko.
Euskadiko Kooperatiben Behatokia Euskadiko kooperatibismoaren errealitatea aztertzeko, ezagutzeko eta zabaltzeko gune bat da. Euskadiko KOOPERATIBEN KONTSEILUAk bultzatua, Orkestra-Lehiakortasunerako Euskal Institutuarekin lankidetzan, Behatokiak hiru eginkizun ditu:
Eragina
Kooperatiben eraginak neurtzea eta ikusaraztea:
· enpresa-sarean
· ekonomian
· gizartean eta pertsonengan
Metrikak
Erabakiak hartzeko, politika publikoak diseinatzeko eta euskal ekosistema kooperatiboa indartzeko funtsezko datuak emango dituen erreferentziazko plataforma bat eskaintzea.
Analisia
Kooperatiben gaur egungo egoera aztertzea, hainbat dimentsiori begiratuta: demografia, enplegua, berrikuntza, lehiakortasuna, gizarte eta lurralde eragina.
Tokiko garapena bultzatzen dugu, eredu kooperatiboaren bidez
Euskal kooperatibismoak ekarpen erabakigarria egiten dio Euskadiri, hainbat bidetatik:
Lurralde oreka
Kooperatibak eskualdeetan eta hiri ertainetan daude eta, horrela, tokiko garapena indartzen dute.
Kooperatibak:Euskal kooperatibak: pertsonak erdigunean, etorkizun partekatua
Tradizioa eta berrikuntza, lehiakortasuna eta giza balioak uztartzen dituzte, Euskadiren nortasunaren funtsezko osagaiak gaur egun.
Pertsonen integrazioa
Euskal kooperatibek enpresaren jabetzan, kudeaketan eta mozkinetan sartzen dituzte pertsonak. Erabaki bakoitza modu demokratikoan hartzen da, proiektu bakoitza elkarlanean eraikitzen da, eta emaitza bakoitza guztion ongizatera bideratzen da.
Nazioarteko liderrak
Kooperatibismoak tokiko garapenaren bultzatzaile eta nazioarteko erreferente dela erakutsi du. Euskal kooperatibak liderrak dira sektore estrategikoetan, etengabeko berrikuntza bultzatzen dute, eta merkatu globaletan lehiatzen dira, sustraiak galdu gabe.
Askotariko sektoreak
Kooperatibak sektore askotan daude: industrian, hezkuntzan, zerbitzuetan, etxebizitzan... Sektore horietatik, dinamismoa eta aniztasuna eskaintzen diote Euskadiko sare ekonomikoari.
Gizarte kohesioa
Ekarpen ekonomikoa egiteaz gainera, euskal kooperatibismoa gizarte eta lurralde kohesiorako tresna ere bada. Enplegu egonkorra eta kalitatezkoa sortzen du, berdintasuna sustatzen du, tokiko errotzea indartzen du, eta mundurako leihoak irekitzen ditu.
Euskal kooperatibak: gertukoak, konektatuak, konprometituak
Euskadi enpresa eredu berezi eta bakar baten erreferentea da: kooperatibismoa. Gaur egun, lurralde osoan banatutako kooperatibak daude, eta, nork bere tokitik, enplegua, berrikuntza eta gizarte kohesioa sortzen dute.
Aztertu mapa interaktiboa, kontsultatu argitalpenak eta ezagutu kooperatibismoak Euskadi nola eraldatzen duen, tokian tokitik.
Lan egiteko modu zehatz bat, pertsonen garrantzia aitortuta
Kooperatibismoa enpresa formula bat baino askoz gehiago da: lana, ekonomia eta gizartea ulertzeko modu bat da. Pertsonak erdigunean jartzen dituen enpresa eredu bat. Euskadin, eredu hori milaka proiektu kolektibotan islatzen da. Horien artean, lan elkartuko kooperatibak nabarmentzen dira, industrian pisu handia dutenak. Nolanahi ere, kooperatibek gaur egungo sektore ekonomiko guztietan eta gorabidean daudenetan dute presentzia. Parte hartzea, ekitatea eta elkartasuna dira eredu horren funtsezko zutabeak. Ezagutu nola funtzionatzen duen, zerk egiten duen berezi eta zergatik jarraitzen duen etorkizuneko apustua izaten.
Argitalpenak
Euskal kooperatibismoaren bilakaera eta erronkak aztertzen dituen ikerketa akademikoa.
Gurekin harremanetan jarri
Zalantzarik baduzu edo informazio gehiago behar baduzu, bete formularioa eta zurekin harremanetan jarriko gara lehenbailehen.
Kooperatiben Kontseiluaren proiektua
Laguntzailea:
